معلومات لكل عروووووس جديدة...
لو انتي لسا عروسة وما كان بينك وبين المطبخ الاكل خير واحسان فبلاش تخلي رقابينا زي السمسمة وخدي شوية النصايح دي حتنفعك جدا وبعدين حتى لو غلطتي ما ت زعليش وحاولي تتداركي الامر بسرعة وما تبينيش لجوزك او لاهل و الغلط ده على قد ما تقدري وصدقيني ان شاء الله كلها ايام او حتلى شهور والامر يبقا حكايات مبروووووووووك...واتفضلي اقري ويا رب تساعدك الحاجات دي ان شاء الله......
• لو لقيت الأكل ملحه زايد.. حطي حبة بطاطس فيه وهي ح تمص الملح الزيادة.. بس اوعي تنسي تقشري البطاطس!
• لو كنت ح تعملي مسقعة.. فعلشان الباذنجان ما يسودش وتروح فايدته حطيه في طبق غويط فيه مية وملح!
• وأنت بتحضري السلطة ما تحطيش عليها الملح والليمون إلا ساعة التقديم عشان ما تدبلش.. وتقرفي تاكليها!
• لو كانت الطاسة لسه جديدة حطي فيها شوية خل وبعدين حطيها علي النار وبعد ما تغلي ارفعيها من النار وده ح يمنع التصاق الطعام في الطاسة بعد كده!
• لو فضل عندك قطع زائدة من الكيك غطيها بكيس نايلون وحطيها في الثلاجة عشان ما تنشفش!
• حطي الدقيق في إناء محكم وفي مكان غير رطب عشان يعيش مدة أطول وما يسوسش!
• عند سلق المكرونة اضيفي ملعقة زيت في ماء السلق وبعد ما تتسلق صبيها من مية السلق في الحال واغسليها بماء بارد.. عشان ما تعجنش ويبقي يومك مش فايت!
• عشان عنيك ما تدمعش.. حطي البصل في طبق به ماء قبل تقشيره لمدة نص ساعة.. أو حطي البصل اللي ح تستعمليه في الفريرز لمدة نصف ساعة قبل الاستخدام بس أوعي تقولي للولية جارتك الحشرية علي الحكاية دي.
• بللي ايدك بالمية عند تقطيع التوم علشان ما يلزقش في ايدك ويبقي ريحتك تقلية.
• لتنظيف الخلاط حطي به قليل من الماء الساخن الممزوج بقطرات من مستحضر التنظيف وشغلي الخلاط لثوان معدودة!
• لكي تحصلي علي كمية اكثر من عصير البرتقال أو الليمون ضعيه في ماء ساخن لمدة عشر دقائق وادعكيه ثم اقطعيه واعصريه!
• ما تنسيش تشيلي الريم اللي بيطلع ع وش اللحمة وهي بتتسلق.. عشان لونها ما يغمقش!
• لتطرية لحم الاستيك تفرك كل قطعة بمزيج من الخل والزيت وتترك لمدة ساعتين قبل التحمير.. وكلي وادعيلي!
• لو كنت بتطبخي بالزيدة.. ما تنسيش تحطي معاها قليل من الزيت عند قدحها عشان ما تتحرقش. وجوزك يتخانق معاكي!
• ما تقليش البطاطس إلا في زيت مقدوح عشان ما يشربش الزيت.. وجوزك يرميه في وشك!
• ما تستخدميش زيت القلي اكثر من ثلاث مرات.. عشان ما يغيرش طعم ولون الأكل.. وجوزك يسيبك ويروح ياكل عند أمه!
